УТРИНСКИ ФОКУС: Летаат откази, ама и нови „партиски“ вработувања- вреди ли животот во Македонија?
Објавено во: Македонија 20 Февруари, 2019
Колку може да вреди човечки живот во Македонија? Сите знаеме дека животот нема цена. Затоа што штетата за детето што нема да ја види мајката никогаш повеќе, за мајката што нема да го гушне синот или ќерката е ненадоместлива.
Што ни помина пред очи од последната трагедија со автобусот во кој загинаа 15 лица и уште десетина се тешко повредени? Ја видовме реалноста во земјава. Траума и солидарност, херои и губитници, огромна загуба, многу дилеми за системот на техничка контрола, безбедност на патиштата...Максималната пропишана вредност на премијата што осигурителот на хаварисаниот автобус на „Дурмо“ ќе ја покрие е 675.000 евра.
Колку вреди живот во македонски автобус?„Продавам, невен, босилек, нане, но планински чај највеќе се бара. Луѓето го бараат, претежно постарите кои се навикнати да пијат чај затоа што е корисен, но и вкусен, има навистина убав вкус. Од година во година сѐ полошо оди работата. Ако има откуп, и даваат по 40 денари за килограм од одредена билка, сметајте дека вие ако одите и собирате билки во планина, со таа цена дневница не можете да извадите. Има и пензионери кои собираат билки и ги продаваат“, вели млад битолчанец кој 7 години продава билки, а собира околу 200 видови, при што сите се во различни количини зависно од потребата.
Откази, ама и нови вработувања во државни фирми...Синот на Тахир Хани, заменик-генерален секретар во македонската Влада, е нововработен во АД ЕЛЕМ. Назми Хани добил работно место како референт во подружница Треска на Електрани на Македонија. Веста ја потврдија и владиниот функционер, како и компанијата за Алсат.
Една од најскапите згради не е вселена, но барем нема повеќе да прави нови трошоци
АД за стопанисување со станбен и деловен простор се уште се нема вселено во барокната зграда во Мал Ринг на која самото претпријатие и е инвеститор со вредност од нешто повеќе од 11 милиони евра, но за прв пат од оваа година нема повеќе да дава пари за нејзината доградба која траеше пет години.