УТРИНСКИ ФОКУС: Профитот на „Комерцијална банка“ преполовен, „Алкалоид“ ја зголеми добивката
Објавено во: Економија 25 Април, 2019
Во фокусот на овој утрински фокус е економијата. Во продолжени ги издвојуваме топ насловите на Фактор овој четврток ..
Се лизна ли „Комерцијална банка“?
Владата ги помага, општините трупаат долгови
Државата им даде пари да се раздолжат, ама општините и понатаму се едни од најголемите должници. Според најновите податоци, на крајот на март годинава општините имаат доспеан, а невратен долг вреден 71,6 милиони евра. Ако се споредуваат податоците, на крај на септември лани долгот беше 81,2 милиони евра.
Наредба за повлекување на роднините на функционери кај кои Антикорупциска најде непотизам...
Наредба да се повлечат од работните места на сите кои беа посочени од Државната комисија за спречување на корупција им даде вчера вечерта премиерот Зоран Заев додека зборуваше на предизборна трибина во Прилеп. Заев рече дека наредува оти само така ќе функционирал системот, ама не пропушти да каже дека со оглед на независноста, комисијата треба да ги посочи вработувањата поврзани со непотизам и на претходната власт.
Алкалоид АД Скопје со раст на приходите во првите три месеци годинава и 55 нови вработувања
Алкалоид АД Скопје за периодот Јануари - Март 2019 оствари позитивни финансиски резултати искажани во неревидираните единечен и консолидиран Биланс на успех.
Според образложението за остварени резултати објавени на Македонска берза вкупните приходи остварени во периодот Јануари - Март 2019 година изнесуваат 2.138.908 илјади денари и во споредба со остварените во истиот период во 2018 година бележат пораст од 13%.
**Македонските физички и правни лица во 2018 биле осудени на вкупна глоба од 35 милиони евра во 2018-та од органите на извршната и правосудната власт кои имаат ингеренции да казнуваат, според вкупната годишна евиденција пријавена од оние што санкционираат до Управата за јавни приходи. - Детали читајте тука...