УЖАС ВО АВИОНОТ НА СМРТТА: Отвори ја вратата побогу!

Добивај вести на Viber

Германскиот весник Билд објави транскрипт на разговорот, кој сведочи за последните моменти пред падот на авионот. Во првите 20 минути пилотот Патрик Сонденхајмер и Андреас Лубиц воделе вообичаен разговор. Во еден момент се слуша Андреас Лубиц како му вели на пилотот „слободно оди во тоалет ако сакаш“. Малку подоцна пилотот бара Лубиц да го подготви слетувањето во Дизелдорф. Тој изговара неколку збора: „Се надевам“ и „Ќе видиме“ и му повторува на пилотот дека „слободно може во тоалет“. После тоа доаѓа до клучниот момент. Пилотот како му вели на копилотот да ја преземе контролата, а потоа и звук на отворање и затворање на вратата. Малку по зилегувањето на пилотот леталото со 150 луѓе почнува да понира и се огласува автоматскиот аларм. Контролорите на летот се обидуваат да воспостават контакт со кокпитот, но никој не им одговара. По неколку минути се слуша „силно чукање“ на вратата од кабината и гласот на пилотот: „Отвори ја проклетата врата“. „Отвори ја вратата, побогу“, му вика капетанот Патрик Сонденхајмер на Лубиц. Сонденхајмер се обидувал и да ја скрши вратата со звуци што личат на удар со секира, викајќи му на својот копилот „Отвори ја проклетата врата!“ Во заднината се слуша како патниците почнуваат да врескаат, истакнува весникот. Во 10.35 часот продолжуваат  да се слуша чукање по вратата, но звучат поинаку, како да се изведени со помош на секира. Авионот тогаш се наоѓал на висина од само 2.100 метри. Минута и пол подоцна се слуша: „Земја! Тргни нагоре! Тргни нагоре!“, а потоа се слуша само дишењето на Андреас Лубиц, сè до ударот на авионот во планината, кој настапил во 10 часот и 40 минути. Вресоците на патниците се последното нешто што се слуша на снимката.