Валандовските земјоделци бараат да се отворат нови откупни и дистрибутивни центри
Објавено во: Агробизнис 10 Август, 2013
Валандовските земјоделци бараат нови откупни и дистрибутивни центри за пласман на нивното производство. Фармерите од овој регион велат дека мора да се отворат повеќе откупни центри каде ќе се пласира родот, бидејќи губат време и средства превезувајќи ги земјоделските производи. Велат дека поголемата конкуренција ќе им даде простор да одберат каде ќе продаваат, објави „Канал 5“. Првиот човек на Валандово вели дека општината има урбанизирано повеќе локации за оваа намена, а веќе имаат и потенцијални инвеститори заинтересирани за изградба на голем откупно-дистрибутивен центар. Валандовските земјоделци се големи производители на грозје, калинки и јапонски јаболки, но се повеќе одгледуваат и раноградинарски култури.
.