Варуфакис: Спогодба до 24 април
Објавено во: Балкан, Економија 06 Април, 2015
Грција мора да постигне договор за финансирање со доверителите на средбата со министрите за финансии на еврозоната на 24 април, објави "Ројтерс", повикувајќи се на изјавата на министерот за финансии Јанис Варуфакис пред грчкиот весник "Нафтемборики".
"На состанокот на еврогрупата на 24 април треба да има претходно договор, како што беше договорено во документот на еврогрупата на 20 февруари", вели Варуфакис.
Атина предложи нов пакет реформи минатата недела, во обид да и се додели со финансирање од спасувачкиот пакет за земјата, но засега доверителите од Европската унија и Меѓународниот монетарен фонд не ги одобриле предлозите.
Од август 2014 година Грција не добива финансиска помош и како последица на таа средба има тешкотии при плаќањето на своите обврски во услови на намалени буџетски приходи, што ги принудува владата да зема заеми од државните институции, за да го финансира долгот. Минатиот месец извор на "Ројтерс" објави дека Грција има доволно пари за да ги покрие долговите до 20 април.
По состанокот со шефот на ММФ Кристин Лагард во неделата Варуфакис изјави дека Грција има намера да ги отплати сите долгови кон сите доверители во обид да ги намали стравувањата дека е можно земјата да прогласи банкрот по плаќањето на 450 милиони евра долг кон ММФ подоцна оваа недела.
Тој изјави за дневниот весник дека владата на екстремната партија СИРИЗА сака да ги заврши преговорите "што е можно побрзо", но не може да прифати услови кои "ја задушуваат економијата".
"Нема да ја потонеме земјата, како што направи претходната влада, со задушување на долг рок", изјави Варуфакис пред "Нафтемборики" и навести дека доверителите се држеле повеќе меко со претходната влада.
"Преговорите ќе заврши кога ќе достигнеме чесно договор кој ќе и даде на грчката економија можности за реална стабилизација и доволен раст", рече тој.
Запрашан дали има намера да ја напушти функцијата, Варуфакис одговори: "Ниту за миг."