„Вашата приватност е сигурна со нас“-отворени денови за заштита на личните податоци

Добивај вести на Viber

Дирекцијата за заштита на лични податоци лани примила 30 претставки од граѓани кои се однесувале на обработка на личните податоци од страна на банките, инвестициските фондови, друштвата за наплата на долгови, вели Елена Стојановска, советник за меѓународна соработка и односи со јавност.

Втора година по ред Дирекцијата организира Отворени денови за заштита на личните податоци на потрошувачите. Оваа година кампањата ја спроведуваат со банките и друштвата за наплата на долгови.

-  Отворените денови – заштита на личните податоци на потрошувачите се организираат по втор пат. Минатата година на иницијатива на Организацијата на потрошувачите на Македонија и Дирекцијата за заштита на личните податоци отпочна реализацијата на овој проект кој имаме тенденција традиционално да го организираме секоја година со контролори од различни области. , изјави Стојановска.

Дирекцијата за заштита на личните податоци и Организацијата на потрошувачите на Македонија, проектот ќе го реализираат во партнерство на Народната банка на Република Македонија, ЕОС Матриџ ДОО, Кредитекспрес Македонија ДООЕЛ, Мелон Солушнс ДООЕЛ, Халкбанк АД Скопје, ТТК Банка АД Скопје, Алфа Банка АД Скопје, Поштенска Банка АД Скопје, Стопанска Банка АД Скопје, НЛБ Тутунска Банка АД Скопје, Стопанска Банка АД Битола, Еутостандард Банка АД Скопје, Шпаркасе Банка АД Скопје.

Отворените денови се организираат под мотото „Вашата приватност е сигурна со нас!“, а ќе се одржат на 15 март во Скопје Градски Трговски Центар 19 март во Битола (Градски Плоштад), 21 март во Кавадарци (Градски Плоштад) и 26 март во Тетово (Градски Плоштад) , 28 март Охрид (Градски Плоштад), 30 март Струмица (ТЦ Глобал) од 12 до 15 часот.

На Отворените денови граѓаните ќе имаат можност да се информираат за своето право на заштита на личните податоци во банкарскиот сектор, да добијат одговори на најчесто поставуваните прашања поврзани со собирањето и обработката на личните податоци.