Важна информација за возачите кои в понеделник тргнуваат кон Меџитлија
Објавено во: Македонија 28 Септември, 2019
Во понеделник ќе се вршат мерења на делницата Битола – Меџитлија.
АМСМ ги информира возачите кои ќе го користат државниот пат А3, делница Битола – Меџитлија, дека в понеделник, од 12:00 до 16:00 часот, ќе се вршат мерења на патот со користење на специјално мерно возило, сопственост на Јавното претпријатие за државни патишта.
„Постапката се состои од застанување на секои 100 метри на патот и мерење на носивоста на коловозот со спуштање на товар. Се молат возачите на трпеливост и крајна внимателност при возење на горенаведената патна делница“, се вели во соопштението од АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.