ВАЖНА ВЕСТ ЗА ГРАЃАНИТЕ ШТО ИМААТ ЗАОСТАНАТИ ДОЛГОВИ ЗА ВОДА - еве до кога ќе можете да ги отплатите на рати и без камата

Добивај вести на Viber

Граѓаните кои имаат заостанати долгови за вода, без оглед дали тие се тужени или редовни долгови, во овој период имаат можност за отплата на долговите на рати и без пресметка на камати, но тоа ќе трае до 2 април оваа година, а потоа оваа поволност што им ја дава Водовод претсанува да важи. 

„ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање е во тек.

Акцијата за отплата на долговите на рати без камата е со определено времетраење и почнува од 17.02.2025 година, а завршува заклучно со 02.04.2025 година.

Ги повикуваме сите корисници кои имаат заостанат долг за потрошена вода (тужен и редовен), да ја искористат можноста за плаќање на ратибез пресметана камата.

Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје.

По истекот на овој период одлуката престанува да важи“, се вели во соопштението кое го испратија од Водовод и канализација до медиумите.