Вечерва Скопје во магла, во Кичево и Тетово не се дише!

Добивај вести на Viber

Алармантното загадување на воздухот се интензивираше вечерва. На сите мерни места, каде што мереле апаратите на Министерството за животна средина вечерва во 20 часот има неколкукратно надминување на концентрацијата на суспендираните РМ10 честички. Алармантно количество на овие честички е забележано во Центар, Карпош, Лисиче, но и во Кичево и Тетово. Во Центар во истиот периoд измерена е и енормно висока концентрација на РМ 25 честички, додека целата скопска котлина се гуши во магла. До сабота , со мерките на Владата од работа се ослободени бремените и лицата постари од 60 години, се препорачува товарниот сообраќај да биде ограничен, се повикуваат граѓаните да се возат со автобуси. Градежните работници пак со препораките, може да работат од 11 до 17 часот, мерка која од една страна ќе има влијание на заштита на работниците, а од друга страна ќе ја намали градежната активност што ќе придонесе за помала емисија на честички во воздухот. Аеродромот во Скопје е затворен за летови и слетувања на авиони, а низ градот се почесто се забележуваат луѓе кои со маски на лице се обидуваат да се заштитат од загадениот воздух.