ВЕЌЕ ИМА НАСЛЕДНИК: Кој ќе го замени Заев во градоначалничката фотелја?

Добивај вести на Viber

Опозицискиот лидер се токми да биде иден премиер или пратеник.

Ова може да се заклучи по денешното соопштение од кабинетот на Зоран Заев од општина Струмица во кое се посочува дека нов заменик градоначалник на општина Струмица ќе биде Коста Костадиновски, досегашен советник.

Од соопштението може да се забележи и дека на денешната Советот на општина Струмица советниците Катерина Кузмановска и Коста Јанев поднеле оставка од своето членство во Советот. 

„На нивно место, за нови членови на Советот на општина Струмица беа наименувани Бранко Божинкочев и Фатмаѓул Хаџи. Со оглед на тоа што Катерина Кузмановска покрај советничката функција во изминатите неколку години ја извршуваше и функцијата заменик градоначалник на општина Струмица, градоначалникот Зоран Заев, на почетокот од 48. седница на Советот на општина Струмица, која започна веднаш по завршувањето на 47. седница, најави дека наскоро, на местото на Кузмановска, ќе наименува нов заменик градоначалник, спомнувајќи го името на советникот Костадин Костадинов. По наименувањето на новиот заменик градоначалник, тој како и неговиот претходник, ќе го заменува градоначалникот Заев при неговите службени отсуства од Општина Струмица“, се наведува во соопштението од Општина Струмица.