Венко Филипче кажа до кога нема да има олабавување на мерките
Објавено во: Македонија, Корона Вирус 28 Април, 2020
Министерот за здравство Венко Филипче денеска на прес-конференција кажа дека е рано да се олабават мерките.
Вели дека деновиве ќе има прес - конференција на која ќе информираат за кривата на епидемијата.
„Во овој момент не можеме да знаеме што ќе препорачаме викендот по првомајските празници“, рече министерот.
Додаде дека засега останува полицискиот час.
Олабавување најверојатно нема да има веднаш по празникот.
Министерот советува граѓаните за заштита да носат маски или шалови, така што носот и устата ќе им бидат покриени и ќе се заштитат од опасниот вирус.
Во Македонија во последните 24 часа, Ковид 19 однесе шест животи.
Се работи за повозрасни луѓе, кои се лекувале во здравствените установи.
За 1 Мај, односно петок, сабота и недела ќе биде дозволено движење до 14 часот.
Вчера во Македонија имаше четири смртни случаи.
Потенцијалниот следен пик на заразата со Ковид 19 може да биде поблаг.
Вчера беше споменато дека наесен може да има нов бран заразени.
Mинистерот вели дека добро се справуваме со епидемијата.