Ветрот го смени правецот: Грците тежат кон „ДА“

Добивај вести на Viber

Повеќето Грци ги поддржуваат предлозите на доверителите во замена за нова спасувачка програма, но разликата со оние кои ќе гласаат со „не“ на гласањето во неделата, останува многу мала.

Ова го покажуваат податоците на истражувањето на агенција „ALCO“.

Според него оние кои се за реформите, се 44,8% наспроти 43,4% за оние кои се против. Од сите анкети 11,8% се уште не одлучиле како ќе гласаат. Во исто време јасното мнозинство од 74% би сакале да го задржат еврото, додека 15% си ја сакаат „национална валута“.

Вчера министерот за финансии на земјата Јанис Варуфакис изјавил дека Владата во Грција може да поднесе оставка, ако на референдумот во неделата поголем дел од електоратот го поддржуваат усвојувањето на условите на доверителите.

Запрашан дали владата ќе поднесе оставка ако луѓето гласаат со „да“, Варуфакис изјавил: „Да, многу е можно тоа да го направиме. Но ќе го сториме во духот на соработката, со кој и да го преземе мандатот по нас“.

„Сириза“ и Владата на Алексис Ципрас од самото прогласување на референдумот ги повикаа луѓето да гласаат со „НЕ“. „Причината ни е да го поддржуваме гласањето со „не“, е затоа што веруваме дека дури и да имаше најмал здив за можноста претставениот предлог да проработи и Грција да излезе од проблемите како што ќе се реформира и ќе продолжи напред, ние ако сакавме да го прифатиме немаше да го оставаме прашањето да се решава од народот“, изјавил Варуфакис за австралиското радио на „ABC“.