(ВИДЕО) Академик Ќулавкова за ФАКТОР24: Груевски нема капацитет да ја извади Македонија од кризата!

Добивај вести на Viber

Од кого се плаши Никола Груевски. Од народот, од сопствената партија, од меѓународната заедница. Ќе ги протераме ли амбасадорите на САД и ЕУ? Индикативен е молкот на шефот на државата. Дали оваа состојба не го загрижува Ѓорѓе Иванов.

За овие прашања нашиот новинар Горазд Чомовски, побара одговор од академик Катица Ќулавкова .

Академик Ќулавкова вели дека досегашната партија ВМРО ДПМНЕ не е подготвена на дијалог и да се соочи со евентуални модификации на резултатите, односно да се соочи со повлекување од владеачката сцена, но таа неподготвеност подразбира нивен дефицитет за дијалог.

Во однос на последниот говор на екс премиерот на платото пред своите приврзаници кои пред ДИК ја чуваа победата, со пораките до странските амбасадори Академик Ќулавкова посочува дека Никола Груевски е во очајна состојба. 

Во паника користи агресивен говор, сличен на оној од времето на Слободан Милошевиќ, вели академик Катица Ќулавкова во интервју за магазинот „Фактор 24“ што синоќа можевте да го проследите во 22 часот и 30 минути на телевизија 24 Вести.

Со самото тоа, вели Академик Ќулавкова, Груевски покажал дека е на маргините и дека партијата на Груевски покажала дека нема капацитет да ја води Македонија напред а камоли да ја извади од кризата.

Во прилог погледнете го целото интервју со Академик Ќулавкова во целата емисија ФАКТОР24 .