Видео: Geography Now ја испочитува Македонија во нивната најкомплицирана емисија досега

Добивај вести на Viber

Geography Now е еден од омилените канали на YouTube кој ги претставува сите земји по ред во светот по азбучен ред учејќи ги гледачите за нивната географија, клучни податоци за природата, местоположбата, соседите, демографијата и политичките односи. 

Македонија дојде на ред под буквата F бидејќи како што и сами објаснија од Geography Now го користат азбучниот ред на Обединетите нации каде и Македонија е примена под референцата ФИРОМ, но укажаа голема чест што тие одбраа да не нарекуваат Република Македонија. 

Како што се очекуваше ова е за нив досега најкомплицираното видео за обработка поради сложените односи кои Македонија ги има со сите свои соседи, особено со Грција поради спорот со името и со Бугарија поради оспорување на македонскиот идентитет, јазик и народ поистоветувајќи ги како бугарски, а не македонски. 

Лекцијата е одлична, опфаќајќи многу корисни информации за Македонија претставени на забавен начин кои ќе бидат привлечни за странската публика. Секако, во коментарите на YouTube не изостанаа навредите од грчките и бугарските националисти па затоа ви препорачуваме да не влегувате во расправа со нив и да исправате „криви дрини“. 

Секоја пофалба оди на сметка на Geography Now, па погледнете за што станува збор.