(ВИДЕО) Грците не сакаат Заев да им се меша во внатрешни работи

Добивај вести на Viber

Грчките медиуми блиски до десно-ориентираната опозиција во Грција го дочекаа „на нож“ коментарот на македонскиот премиер Зоран Заев за време на пратеничките прашања дека „нашите деца во Грција можеби ќе имаат право да учат на македонски јазик“. Според нив ова е мешање во внатрешните работи на Грција и наметнување на теза дека постои „македонско малцинство“ во земјата.

Грчки „Скај“ дури и монтираше видео како доказ со одговори на Заев кад евели „Да бидеме искрени. Што направивме за нив до сега? Со пријателски однос го решаваме овој проблем стар 27 години и симнуваме тежок товар од нашите раменици. Сега имаме подобри можности, сега има можност децата во Грција да учат македонски јазик“. Учењето на мајчин јазик до сега било забрането и на него се гледало како на табу-тема во Грција.

Во меѓувреме Панајотис Скуридис, заменик-претседателот на Независни грци, инаку владин коалиционен партнер на Сириза во грчкиот парламент, за Тема радио реле дека таквата реплика на Заев е мешање во внатрешните работи и мешање во одност на грчката држава кон своите државјани (малцинства).

„Членот 19, став 2 од договорот од Преспа наведува дека "во случај кога страната смета дека другата страна не дејствува во согласност со одредбите на договорот, таа прво ќе ја извести другата страна за своите загрижености и ќе побара решение со преговарање ".рече Скуридис.