(ВИДЕО) Хаос на улиците во Босна и Херцеговина – горат институциите!

Добивај вести на Viber

Горат зградите на Владата на Кантонот Сараево, Општината Центар Сараево и на Претседателството на Босна и Херцеговина, откако социјалните протести прераснаа во силни немири и судири со полициските сили. Доцна попладнево, полицијата со солзавец ги растерува демонстрантите од зградата на Претседателството на БиХ, кои го запалија инвентарот и предизвикаа пожар. Во судирите има и повредени лица, но засега нивниот број е тешко да се утврди. Во општата болница во Сараево биле примени 30-тина лица, од кои повеќето полицајци, но и граѓани на помлада возраст. http://www.youtube.com/watch?v=k3T7A6-p6Hc Немири имаше и во Тузла, каде што протестите започнаа пред два дена, организирани преку Фејсбук од незадоволни граѓани кои бараат вработување и подобар животен стандард. Запалена се зградите на Владата на Кантонот Тузла и на Општина Тузла. Таму попладнево ситуацијата е мирна, но демонстрантите се се уште пред зградата на Министерството за внатрешни работи и бараат да се укине потерницата против еден од организаторите на протестите. http://www.youtube.com/watch?v=UgL1pjs3M_A Во 20-тина градови во Босна и Херцеговина денеска започнаа масовни протести и немири во знак на поддршка на незадоволството кое веќе трет ден се изразува во Тузла. Граѓаните бараат подобра економска состојба, помалку корупција и подобар живот, но реагираат и на информациите за полициска бруталност на протестите во последните неколку дена.