(Видео) Како бегале гостите од кафе барот Мош кога дошла полицијата

Добивај вести на Viber

На Твитер се споделува видео за тоа како синоќа од кафе барот Мош во центарот на Скопје бегале гостите кои биле затекнати таму кога во барот интервенирала полицијата. Претходно инспектори на Државниот пазарен инспекторат влегле во објектот кој работел по 21 часот, но дел од гостите одбивале да си заминат па биле извадени со полиција.

Објектот сега е затворен.

Од полицијата велат дека На 17.12.2020 во 22.30 часот, во координација со Државниот пазарен инспекторат, полициски службеници од СВР Скопје извршиле контрола во угостителски објект на ул „Дебарца“ во Скопје. 

„При контролата, во објектот биле затекнати 20 до 30 гости и било констатирано дека објектот не ја почитува одлуката на Владата за ограничување на работното време на угостителските објекти до 21.00 часот. Објектот бил запечатен, односно му била изречена мерка забрана за вршење дејност. По целосно расчистување и документирање на случајот, во кооординација со Јавен обвинител, против одговорното лице ќе биде изготвенa пријава по член 206 од Кривичниот законик, а поради сомнение дека сторил кривично дело „непостапување според здравствени прописи за време на епидемија“, стои во соопштението од МВР.