(ВИДЕО) Криминал, политика, бизнис – кој е уапсениот Дарко Шариќ?

Добивај вести на Viber

По неколкугодишна потрага, во заедничка акција на српската и црногорската полиција, уапсен е најбараниот нарко-бос на Балканот Дарко Шариќ. Тој бил уапсен во Јужна Америка, откако се обидел да ја премине границата меѓу две држави, а потоа преку Црна Гора бил спроведен до Србија, каде што го очекува судење за шверц на три тона кокаин. http://www.youtube.com/watch?v=OaRHmozZDxA Според црногорските медиуми, кога сфатил дека е откриен, Шариќ сам се предал на полицијата за да нема насилно апсење. Најголемиот наркобос на Балканот со години се криел префрлајќи се од една во друга јужноамериканска земја. Полицијата го третира како еден од најголемите организатори на шверцот со дрога на Балканот и се сомнева дека парите стекнати со продажба на дрога ги легализирал преку инвестиции во недвижности во Србија и Црна Гора. Само во Црна Гора, во изминатите 4 години на Шариќ му е одземен имот во вредност од околу 12 милиони евра - куќи, станови, луксузни вили, локали, претпријатија, хотели, автомобили, земјоделско земјиште. http://www.youtube.com/watch?v=PnyUVmIzJlU Но, во истовреме, за многу видни политичари во Црна Гора Дарко Шариќ и неговиот брат Душко беа „видни бизнисмени“ и „коректни момчиња“. Нивното име се поврзуваше во афери со актуелниот шеф на црногорската дипломатија Игор Лукшиќ и со неговиот претходник Милан Рочен, за кои беше објавено дека контактирале со Шариќ. Српските медиуми, пак, тврдеа дека во Белград тој имал блиски контакти во Социјалистичката партија на Србија на Ивица Дачиќ, па дури и дека нудел огромни суми пари за ликвидација на одредени српски функционери. Еден од најбогатите Срби, сопственикот на „Делта“ Мирослав Мишковиќ исто така се поврзувал со Шариќ, а српскиот весник „Блиц“ пишуваше дека Мишковиќ преку своите фирми испрал голем дел од парите на наркобосот.