Добивај вести на Viber
Припадниците на партијата на Револуционерниот народноослободителен Фронт, кои денес упаднаа во суд во Истанбул и го земаа како заложник обвинителот Мехмет Селим Кираз, се елиминирани во акцијата на турската полиција.
Во зградата на судот во Истанбул, каде тројцата припадници на забранетата радикална левичарска група го држеа како заложник обвинителот, најпрво одеклана експлозија , а потоа се слушна и пукање, јавија агенциите, повикувајќи се на извори од очевидци.
Ројтерс наведе дека се слушало пукање и дека од зградата се ширел дим.
Локален новинар на Твитер објави дека се убиени сите тројца киднапери, а дека обвинителот е повреден.
Претходно во текот на денот, припадници на забранетата радикална левичарска група за заложник земаа еден јавен обвинител и се заканија дека ќе го убиајт доколку не бидат исполнети нивните барања поврзани со случајот за тинејџерот Беркин Елван, кој настрада во текот на протести во Гези во паркот во 2013 година.
Ултралевичарската група соопшти на својот веб сајт дека сака полицаецот кој го смета за одговорен јавно да го признае убиството на Елван, на сите вмешани полицајци да им се суди пред „народниот суд“ и да се отфрлат обвиненијата против учесниците на демонстрациите за настраданото момче или ќе го убијат обвинителот Селим.
Беркин Елван е тинејџер кој почина после 269 дена поминати во кома, во која паднал откако полицијата го погодила со солзавец во глава за време на протестот против владата на претседателот Ердоган.
[embed width="700" height="450" ]https://youtu.be/mpFFThQojkU[/embed]