(ВИДЕО) Како Македонци и Албанци од шверц со луѓе земале милион долари и ги носеле до Канада и САД

Добивај вести на Viber

За сума од 20 до 25 илјади долари за човек, македонски и албански државјани добивале фалсификувани пасоши со кои илегално биле префрлувани прво до Мексико, а потоа во Америка и Канада.

Групата криумчари, државјани на Македонија, со соработници од Албанија, Бугарија, Шпанија и Доминиканската Република, Хондурас, Гватемала и Мексико , за година дена , од април лани до март оваа година, успеале илегално да превезат 50 лица и да заработат повеќе од милион долари.

Истрагата траела изминатите 18 месеци. Криминалната група од Македонија била идентификувана како дел од меѓународна организирана криминална мрежа.

-Членовите на оваа криминална група организирале шверц на повеќе групи илегални мигранти со потекло од Македонија и Албанија, со крајна дестинација САД и Канада. Шверцот го организирале за лица кои не можеле да добијат виза за патување кон наведените дестинации по регуларен пат и од нив барале и добивале од 20 000 до 25 000 долари по човек - изјави министерот за внатрешни работи Оливер Спасовски.

На акцијата на МВР и помогнале и меѓународни партнери, Регионалната канцеларија за безбеднсот и истрага при амбасадата на САД во Македонија, Европол, Селек, као и полициите на Албанија, Шпанија, Австрија и Бугарија.

Досега се приведени седум лица, а за двајца уште се трага.

Оваа криминална лица врбувала луѓе, потенцијални мигранти, а потоа имобезбедувала фалсификувани документи за идентификација, им резервирала и купувала автобуски и авионски карти до одредени дестинации во Европа и земјите од Централна Америка и резервирала соби во хотели во земјите каде имале соработници.

-Организатрите на криминалната група ангажирале и личности кои прифаќале мигранти и им обзебедувале дополнителни фалсификувани документи посебно за влез во Мексико, а организирале и превоз и илегално префрлување на мигранти од Мексико до крајните дестинации САД и Канада. Мигрантите биле шверцувани во групи од двајца до четворица, со претходно договорен временски период, рута по која ќе се движат, локации на кои привремено ќе бидат скриени, како и начинот на исплата на договорената сума пар-кажа Спасовски.

Министерот рече дека се направени претреси во 12 објекти во Охрид, Струга, Дебар и Скопје. Во нивните домови се најдени пасоши, фалсификувани визи, гарантни писма, пари,  оружје и муниција, а запленети се и два луксузни автомобили.

Надлежниот јавен обвинител нареди истрага за девет лица. На нив им се става на терет дека направиле кривично дело организирање на група и поттикнување на извршување дело тргување со луѓе и деца, и криумчарење мигранти. 

Погледнете ја акцијата на приведување на криумчарите: