ВИДЕО: Мекиците од Стража и Влатко Стефановски

Добивај вести на Viber

Честа пракса во светот е познатите и големи корпорации да прават музика за сопствени цели. За таа намена се ангажираат и познати музичари кои имаат задача да направат спот, песна или нешто трето. Кај нас, од една или друга причина, малку се компаниите кои се решаваат на ваков марикетиншки чекор. “Мекиците од Стража” сепак, се едни од нив.

За нив музика напиша ни помалку ни повеќе најпознатиот гитарист на балканот и пошироко, Влатко Стефановски. Она што е ново, е дека конечно музиката која Влатко ја направи за Мекиците доби и своја видео подлога. Четворица актери, многу позитивна енергија и познат пат кој сите многу пати сме го поминале. “Сакавме да доловиме како би изгледало едно типично патување од Скопје до Охрид на четворица весели и супер расположени млади луѓе. Нормално, притоа застанувајќи на стража, како што тоа сите ние го правиме. Не е тоа тоа ако не се почестиш со една мекица...”- се пошегува познатиот водител Жарко Димитриоски од продукцијата “Еден на Еден” која беше задолжена за реализација на видеото. На неколку дневното снимање му претходеше обемен кастинг за на крај тимот кој работеше на спотот да се одлучи за четворица млади луѓе кои одлично ја завршија својата работа. Видеото изгледа светски, мекиците вкусни како и секогаш, а музиката на Влатко Стефановски во целината се вклопува одлично! Погледнете го целото видео тука: http://www.youtube.com/watch?v=iMIcoFmosHg&feature=youtu.be