(ВИДЕО) Научниците сложни: Цртежот на оваа школка би можел да ја промени историјата на човештвото!

Добивај вести на Viber

Примерокот пронајден на фосилизирана школка во Индонезија можеби е најстариот запис на човечките претци, тврди тим на научници од холандскиот универзитет во Леиден. Врежаниот цртеж, кој може да се види само под одредено осветлување, е стар најмалку 430 000 години, што значи дека го направиле одамна измурените човечки претци Homo erectus. Досега е најстар и познат човечки запис кој настанал пред 130 000 години.

Ако бидат потврдени резултатите од истражувањето кои се објавени во магазинот„Nature“, би можело од корен да се промени нашето сфаќање за развојот на човечката култура.

„Ова би можело да доведе до „ново пишување на човечката историја“, изјавил за Би-Би-Си Стефан Мунро, истражувач од Австралискиот национален факултет и еден од авторите на ова истражување.

Научниците проучиле стотици фосили на слатководни школки кои на брегот Јава ги пронашол и собрал холандскиот истражувач Евгени Дубоа кон крајот на 19 век, а кои денеска се чуваат во Центарот за биоразновидност на музејот Натуралис во Леиден.

Во текот на постапката на датирање, истражувачите откриле дека врежаниот цртеж од примерокот претходи на процесот на фосилизација на школки, т.е дека е стар помеѓу 430 000 и 540 000 години.

Мунро рекол дека ова откритие ја потврдува теоријата дека Homo erectus бил многу повеќе снаодлив и интелегентен отколку што досега се верувало.

„Кога видиме нешто слично, без разлика дали станува збор за уметничко дело или симболичен знак, тоа веднаш го препишуваме на себе си, како нешто својствено само за модерниот човек“, напоменал Мунро.