(ВИДЕО) Непроценлива штета од протестите во Сараево!

Добивај вести на Viber

Огромна штета од насилните демонстрации во Сараево денеска, каде што беше запалена зградата на кантоналната Влада, но и зградата на Претседателството на Босна и Херцеговина. Во оваа зграда е сместен и Архивот на Босна и Херцеговина, па пламенот проголта некои од највредните документи кои биле зачувани дури и во времето на војните во Сараево. „Штетата е непроценлива! Тој архивски материјал кој не настрада во три војни - ниту во Првата, ниту во Втората светска војна, па ниту во оваа последната, изгоре еве денеска. Единствено што можам да кажам е дека ова е една огромна културна срамота!“, изјави директорот на Архивот Шабан Захировиќ. Во пожарот целосно изгорело едно депо од Архивот, каде што се чувале документи со огромна историска вредност, микрофилмови, копии од Архивот во Виена, документацијата на Комисијата за утврдување на воени злосторства во Втората светска војна и многу други важни материјали. Во немирите кои траеја до вечерва, само во Сараево повредени беа над 100 лица, а десетици демонстранти се приведени. Повредени и уапсени има и во другите босански градови. Премиерот на Тузланскиот кантон Сеад Чаушевиќ поднесе оставка. http://www.youtube.com/watch?v=WqKXkDfCzuo