(ВИДЕО) НИКОЛОСКИ И ТОМАС СТАВИЈА ПОТПИС: Македонија и Британија и официјално склучија Договор за стратешко партнерство - што ќе донесе тоа во пракса?
Објавено во: Економија 22 Мај, 2025 16:10
Maкедонските и британските власти денеска во Лондон го потпишаа Договорот за стратешко партнерство.
Вицепремиерот и министер за транспорт и врски Александар Николоски и британскиот министер за економија и извоз Герет Томас го потпишаа историскиот Меѓувладин договор за партнерство за инфраструктура, вреден пет милијарди фунти.
„Веќе се подготвени три приоритетни проекти: брзата железничка врска по Коридорот 10, модернизација на болниците и изградба на нов Медицински факултет. Ќе продолжиме со проекти и во енергетиката и заштитата на животната средина“, рече Николоски.
Соработката ќе значи не само финансиска поддршка, туку и директен трансфер на експертиза од британската јавна администрација и бизнис секторот.
Томас нагласи дека двете земји се блиски сојузници во рамките на НАТО и ја оцени соработката како значаен чекор напред во економските и билатерални односи.Македонската Влада го усвои договорот пред два дена, откако премиерот Христијан Мицкоски и британскиот премиер Кир Стармер постигнаа согласност на Самитот на Европската политичка заедница во Тирана во Албанија. Опозицијата имаше одредени забелешки и бараше детали за што ќе се трошат парите.
Можеби ќе ве интересира
Македонија најевтина во Европа според цените на храната
НОВИ БИЗНИС ИНВЕСТИЦИИ: Познато е кој ќе ги гради најголемите складишта за електрична енергија?
„Визер“ со нова линија од аеродромот во Скопје - од сега ќе се патува и за Прага
Мицкоски: Мерките на Владата даваат резултати, зголемени бројки на туристи и ноќевања во првите 10 месеци
Меѓународниот аеродром Скопје станува апослутен лидер во регионот по раст и по број на нови понудени места
КЛУЧ НА ДРЖАВНАТА КАСА ИЛИ МИЦКОСКИ ПРОГЛАСИ КАПИТУЛАЦИЈА НА ЕКОНОМИЈАТА! Чупеска за затворањето на трезорот на 15 декември
Кинеската економија во 2025 година и предвидувања за 2026 година
Тактики, а не паника, ја создаваат моменталната вредност на криптовалутите
