(ВИДЕО) По земјотресот потонаа во мрак, но најлошото допрва следи
Објавено во: Балкан 26 Октомври, 2018
Еден час по полноќ, земјотрес силно го затресе Закинтос во Грција, по што снемало струја.
Тројца граѓани се згрижени во болница, но животот не им е во опасност. Има и материјални штети. На пристаништето на познатиот остров има многу пукнатини, а брзо се отстранети сите возила. По земјотресот беше издадена тревога за мало цунами. На туристите и локалните жители им е посочено да не се доближуваат на плажите затоа што се стравува од забрзан раст на брановите.
Еден од жителите раскажал дека потресот со јачина од 6,6 степени по Рихтер се почувствувал мошне силно, иако неговиот епицентар бил во Јонското море. Земјотресот ноќеска се почувствува и во Скопје, а земјата се тресела и на Малта, делови од Италија и Албанија. Вчера и денеска во Јонското море имало над 10 земјотреси. Грција скоро секој ден има по некој послаб потрес.
Грчките острови Закинтос, Кефалонија и Итака, во 1953 година беа погодени од неколку силни земјотреси, при што загинаа повеќе од 450 лица, илјадници беа повредени, а беше предизвикана огромна материјална штета. Грција лежи на две тектонски плочи и подложна е на земјотреси.