(ВИДЕО) Радикалите во Србија го слават ослободувањето на Шешељ

Добивај вести на Viber

Одлуката на Хашкиот трибунал да дозволи привремено ослободување на лидерот на српските радикали Воислав Шешељ поради хуманитарни причини и влошена здравствена состојба беше дочекана со прослава пред седиштето на Српската радикална патија во Земун. Членовите и симпатизерите на партијата синоќа прославуваа со знамиња со ликот на својот лидер, но и со песната „Спремте се, спремте четници“. http://www.youtube.com/watch?v=e0horu9ULgo http://www.youtube.com/watch?v=_QxCUH4X8V4 Хашкиот трибунал вчера ја донесе одлуката за ослободување на Шешељ, откако Србија понуди гаранција за негово пуштање на слобода. Кај него лекарите дијагностицираа метастази на рак на црниот дроб, а состојбата му е оценета како животно загрозувачка. За ослободување, Хаг ги постави вообичаените услови - Шешељ не смее да влијае на сведоците во процесот против него и на жртвите, а мора да се јави во судот веднаш кога тоа ќе биде побарано од него. Се уште е неизвесно дали тој ќе ги прифати ваквите услови, со оглед на тоа што еднаш веќе одби слична понуда за пуштање на слобода. Челниците на Радикалната партија најавуваат негово враќање на политичката сцена по враќањето во Србија, но аналитичарите проценуваат дека ослободувањето на Шешељ во Хаг нема да предизвика политички турбуленции во земјата.