(ВИДЕО) Северна Кореја случајно откри тајна од која светот се плаши
Објавено во: Свет 15 Декември, 2017
Државната телевизија на Северна Кореја емитуваше прилог од конференцијата за военото наоружување, а при таа прилика на гледачите им падна за око и една слика која се гледа на ѕидот во позадината.
На неа се гледа некогашниот лидер на таа земја, Ким Џонг -ил, како истражува одредено оружје за масовно уништување, за кое се верува дека претставува атомска бомба.
Спорната фотографија можела да се види во позадина на снимката која досега не е објавена на Западот.
Аналитичарите сметаат дека се работи за атомска бомба бидејќи постои доста сличност со неодамнешни фотографии на кои Ким ја контролира работата на хидрогенската бомба.
Не се знае точно кога фоторафијата настанала, но се верува дека тоа било помеѓу 2006 и 2009 година кога Ким Јонг-ил и понатаму ги надгледувал нуклеарните тестови.
Сепак, постои можност да не се работи за реална опасност туку за лажна атомска бомба или некоја макета, во цел прикажување на Северна Кореја како нуклеарна сила.
Пјонгјанг оваа година изведе неколку тестови на балистички проектили како и уште еден нуклеарен тест, шест по ред.