Видео: Шекеринска од Дебарца вети подостоинствен живот со просечна плата од 500 евра

Добивај вести на Viber

Радмила Шекеринска ги водеше партиските активности на СДСМ во Дебарца каде ги посочи главните проблеми кои ги мачат жителите на овој крај како што се ниските приходи, невработеноста, лошата инфраструктура. Затоа Шекеринска вети дека просечната плата во Македонија ќе изнесува 500 евра, а идната влада ќе воведе голем број на социјални и економски мерки за подобрување на условите за живот.

„Груевски, Милошоски, ВМРО ДПМНЕ имаа шанси во изминативе 10 години да го подобрат животот на сите граѓани, тоа не го сториjа бидејќи не им беа важни граѓаните, им беа важни нивните сметки, и нивните џебови. Во нашиот План за живот во Македонија предвидуваме зголемување на минималната плата за сите работници низ целата држава до износ од 16.000 денари. Не постои можност оваа мерка да доведе до нови отпуштања, бидејќи државата директно ќе им помогне на фирмите и ќе обезбеди исплата на повисоки плати, со порастот на минималната плата ќе помогнеме и на просечната плата во Македонија да порасне до 30.000 денари, за да семејствата можат да ги платат сметките, за да можат да обезбедат пристоен живот“ изјави Шекеринска.