(ВИДЕО) УКРАИНЦИТЕ НАВЛЕГОА ВО РУСКА ТЕРИТОРИЈА КАЈ КУРСК: Во кои места се водат борби?
Објавено во: Свет 08 Август, 2024
Украинците го извршија најсериозниот упад на руска територија од почетокот на војната.
Украинските трупи навлегоа 10 километри на руска територија во регионот Курск, соопшти Институтот за проучување на војната.
Украинските сили упаднаа во југозападниот руски регион Курск во вторникот наутро, распоредувајќи околу 1.000 војници и повеќе од дваесет оклопни возила и тенкови. Ова се информации кои ги сподели руската армија.
Напредокот е фокусиран на логистичкиот центар Суџа, град со околу 5.000 жители сместен на осум километри од украинската граница. Руските провоени Телеграмски канали тврдат дека борбите се во тек во градовите Суџа и Коренево во регионот, пишувајќи дека руската војска се повлекла од мерната станица за гас Суџа, која транзитира гас во Европа преку Украина.
„Напредувањето на вооружените сили на Украина длабоко во руска територија во правец на Курск е запрено“, изјави денеска началникот на Генералштабот на вооружените сили на Русија, армискиот генерал Валериј Герасимов.
Kиев засега не ја коментира операцијата. Руската инвазија на Украина почна на 24 февруари 2022 година.