(ВИДЕО) УНГАРСКИ ШПИОНИ ПРИБИРАЛЕ ВОЕНИ ИНФОРМАЦИИ ВО УКРАИНА: СБУ ги уапси, ги чека доживотен затвор и конфискација

Добивај вести на Viber

Безбедносната служба на Украина откри шпионска мрежа на унгарската воено-разузнавачка служба во Закарпатија. 

Задачата на таа шпионска мрежа била да собира податоци за воената безбедност на регионот, истражувајќи ги ранливостите во копнената и воздушната одбрана, како и социо-политичките ставови на локалното население. Истрагата покажа дека агентите работеле под надзор на унгарски воени разузнавачки службеници.

Еден од нив, поранешен војник од областа Берегово, бил регрутиран во 2021 година и активиран во септември 2024 година. Неговата задача била да го истражи однесувањето на локалното население, состојбата на црниот пазар, воената опрема во регионот, како и информации за воените и цивилните структури во Закарпатскиот регион.

Откако ги собрал потребните информации, агентот отишол во Унгарија, каде што ги предал информациите и примил пари од разузнавачкиот службеник.

СБУ откри дека агентот се обидел да регрутира најмалку две лица за соработка со унгарските разузнавачки служби.

СБУ притвори уште една осомничена личност – поранешна припадничка на украинските безбедносни сили, која соработувала со унгарските специјални служби.

Против сите осомничени поднесена е обвинение за предавство во услови на воена состојба и се соочуваат со доживотен затвор со конфискација на имот.

Операцијата е спроведена под надзор на Канцеларијата на државниот обвинител, а СБУ ја продолжува истрагата.

Унгарскиот шеф на дипломатијата, Петер Сијарто, изјави во петокот дека украинските обвинувања дека во Украина е откриена унгарска шпионска мрежа се чиста „пропаганда“. 

„Би ги замолил сите да бидат претпазливи во врска со сите такви извештаи што се појавуваат како дел од украинската пропаганда“, рече Сијарто на прес-конференција.

Украина постојано „лови“ луѓе кои соработуваат со Русија. Руската инвазија на Украина почна на 24 февруари во 2022 година.