27 Октомври, 2020
0.0381

(ВИДЕО) Ваучери, домашни гости, пеколни журки - Како Охрид се справи со КОВИД-19 кризата?

Објавено во: Македонија 21 Септември, 2020

Македонскиот бисер ова лето беше главно прибежиште во КОВИД-19 ера на туризмот со оглед на затворените граници и ограничувањата за патување во странство како и ризикот од заразување, речиси секој го посети Охрид. Особено гужви беа видливи за време на продолжениот празничен викенд за 2 август.


Сепак, туризмот и угостителството е сектор кој е најпогоден од кризата. Проценките се дека ќе има пад и од 90% на приходите во туризмот и илјадници работни места во ризик. Перо Кутановски директор на хотел Гранит, вели дека ова е промашена година, нема ниту еден странец, а сите однапред склучени договори се пропаднати.

Исто и Константин Георгиевски градоначалникот на општина Охрид смета годинава ќе имаме огромни загуби откако 2019 беше рекордна година во туризмот по бројот на ноќевања и остварени приходи.

За жал, во Охрид имаше и големи проблеми со непочитување на мерките за држење дистанца, особено на една од популарните плажи на Градиште. Дали ѓаволот ја однесе шегата со кластер журките на Градиште? Засега медицинските власти велат дека има десетина заразени со корона вирус од оваа масовна журка.

Сепак, по интервенцијата на инспекциските служби во Охрид беше многу помирно. Немаше масовни журки на Градиште, а посетителите се забавуваа на безбедна дистанца.

"Се осеќа, нормално луѓето се малку постигнати, држат повеќе дистанца. Се повеќе претпазливи, не можат да се опуштат до максимум затоа што имаме пандемија. Ама, мора да се пазиме, ова е новото нормално како што се вели и ќе мора да се пазиме за да продолжи животот напред", ни изјави еден ДЏ кој ја забавуваше публиката на плажите на Градиште.

Го запрашавме и што беше со забавите кои ги видовме на интернет со големи гужви?

"Најголема критика, што и да кажам тоа би било малку. Нормално, мора да проработи многу свеста кај луѓето ако сакаме да продолжиме напред", вели диџејот.

Охрид како космополитски град, според д-р Горан Балевски директор на општата болница, има посетители од секаде кои се ако добијат симптоми на КОВИД-19 се третираат подеднакво. Лекарите и медицинските сестри како и целосниот персонал во текот на летото и туристичката сезона е буквално на првите борбени линии. Со оглед на големиот број на посетители, ризиците од ширење на корона вирусот, но и на бројните сообраќајни несреќи, тепачки, повреди и други видови на патологии прават болницата постојано да е на готовс и да биде оперативна.

Без странци и по искористување на ваучерите за домашен туризам Охрид и туристичките места се загрижени за опстанокот очекувајќи силен економски удар. Под закана се до 20 илјади работни места, а загубите се проценуваат на 400 милиони евра, па така неопходна ќе биде и нова поддршка од државата и воопшто стратегија за излез од кризата.

Овие содржини се поддржани од Google News Initiative Journalism Emergency Relief Fund

Христијан Станоевиќ


Можеби ќе ве интересира

РЕШЕНИЕ НЕ СЕ НАЈДЕ: Операторите ги гасат сите странски и домашни програми

РЕШЕНИЕ НЕ СЕ НАЈДЕ: Операторите ги гасат сите странски и домашни програми

Мила Царовска: Актуелниот модел на настава останува до крајот на учебната година

Мила Царовска: Актуелниот модел на настава останува до крајот на учебната година

Ангеловски беше припадник на специјалците „Тигри“ и немаше други коморбидитети: Д-р. Неделкова за Фактор

Ангеловски беше припадник на специјалците „Тигри“ и немаше други коморбидитети: Д-р. Неделкова за Фактор

Заев ќе прави ПЦР тест иако немал директен контакт со Спасовски

Заев ќе прави ПЦР тест иако немал директен контакт со Спасовски

Деспотовски: Петмина од новите членови на УО на ФИТР веќе работеа со нас, тие не одлучуваат за грантовите

Деспотовски: Петмина од новите членови на УО на ФИТР веќе работеа со нас, тие не одлучуваат за грантовите

Лукаревска и Зеќири поднесоа оставки во Собранието

Лукаревска и Зеќири поднесоа оставки во Собранието

Почна со работа уште еден пункт за тестирање на ИЈЗ, дневно ќе се прават до 2000 теста

Почна со работа уште еден пункт за тестирање на ИЈЗ, дневно ќе се прават до 2000 теста

Хроничо болните да се ослободат од работа бара лидерот на ВМРО-ДПМНЕ, Христијан Мицкоски

Хроничо болните да се ослободат од работа бара лидерот на ВМРО-ДПМНЕ, Христијан Мицкоски

По девет години деблокирани сите сметки и исплатени долговите на Општина Куманово

По девет години деблокирани сите сметки и исплатени долговите на Општина Куманово