Видео: Заев нема да троши време да ја состави новата влада

Добивај вести на Viber

Претседателот на СДСМ Зоран Заев по распитот во ОЈО посочи дека и за новиот случај за незаконско финансирање на изборна кампања ќе ја докаже својата невиност, а порача дека треба што побрзо да се формира новата влада и повеќе да не се губи време.

- Јас реков дека очекувам поради тоа што знаете дека работите не зависат само од Заев, веројатно не зависат ниту од никој поединец. Можеби зависат од сите нас политичарите заедно. Јас би сакал и на 20, на 21, на 22, дури и порано од тоа да има влада Република Македонија, но секако тоа прво значи закажување на седницата, избор на претседател на Собранието, допис до господинот Иванов, негова одлука кога ќе го даде мандатот. Верувајте, јас како потенцијален мандатор нема да дозволам да се трошат 20 дена за преговори за Влада. Ќе гледам максимално можно ако го добијам мандатот да ги скратам овие рокови за да им заштедиме и на граѓаните и на Република Македонија, време, денови и период за тоа што очекувањата на сите се да има натпревар во државата по пат на дебата, дискусија и се за процеси коишто се одвиваат во Република Македонија, за добробит на државата и на граѓаните, да има една позитивна дебата, натпревар на економски проекти, на идеи и слично како и секоја нормална земја - рече Заев.

Тој истакна дека бара час поскоро да почне со работа Собранието.

-