(ВИДЕО) ЖЕШКО ВО БУГАРИЈА - илјадници демонстранти и 45 повредени
Објавено во: Балкан 02 Септември, 2020
Се вжештуваат протестите во Софија. На улиците на главниот град на Бугарија излегоа илјадници граѓани, на еден од најголемите протести во последните два месеци откако е побарана оставка од премиерот Бојко Борисов, пренесува Ројтерс.
Демонстрантите се судрија со полицијата на протестите , а полицајците отстранија стотици демонстранти со камиони. Полицијата уапси 35 демонстранти кои фрлаа јајца, јаболка и ѓубре кон безбедносните сили околу зградата на парламентот.
Демонстрантите, исто така, ги тресеа полициските автомобили и ги напаѓаа полицајците со бибер спреј за самоодбрана, рече Георги Хаџиев, началник на полицијата во Софија. Околу 45 лица, вклучително и полицајци, завршиле во болница.
Протестот се одржа на првиот ден од собраниската седница по летната пауза. Демонстрантите ги обвинуваат премиерот Борисов и главниот обвинител Иван Гешев за неуспех во борбата против корупцијата.
Погледнете го видеото.