Винарската визба Винеа продадена за 1,25 милиони евра, лозарите револтирани
Објавено во: Агробизнис 26 Јануари, 2013
Винарската визба „Винеа“ е продадена денеска за околу 1.25 милиони евра, информираше Љупчо Аризанов, претседател на регионалниот Сојуз на лозари, „Агротиквешија“ од Кавадарци.
Тој истакна дека винаријата на лозарите од Кавадаречко и Росоманско им должи околу 600 илјади евра.
„Според нашите сознанија, винаријата е продадена за ниска цена и од продажбата нема да има пари за да се исплатат побарувањата на лозаропроизводителите. Ќе има пари само за враќање на банкарски долг. Нашите информации говорат дека има разлика во проценките на имотот кои ги извршиле самата винарија, банката и независната консултантска куќа која била ангажирана. Поднесовме приговор на одлуката за продажба до Основниот суд во Кавадарци, па чекаме одговор“, рече Аризанов.
Инаку вшера четириесетина лозари излегоа на протест пред канцеларија на извршител во Кавадарци. Побара да не се изврши најавената продажба на винарската визба „Винеа” од Штип која откупувала грозје во објект во росоманско Паликура.Побараа прво да се расчистат долговите кон лозарите, а потоа винарницата да се продава.Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
