ВИП ги награди најкреативните трудови на натпреварот „Што е интернет за мене”

Добивај вести на Viber

Вип ги додели наградите за 100-те најкреативни трудови од натпреварот на тема „Што е интернет за мене”. како што информираа од компанијата, на натпреварот учествуваа млади од 6 до 18 години кои за помалку од еден месец испратиле близу 1000 цртежи и есеи во кои преку ја искажаа својата имагинација за интернетот како технологија и современ начин на комуникација. Испраќањето на цртежите и есеите се вршеше со родителска согласност, а добитниците беа избрани од страна на стручно жири составено од Маја Бојаџиевска, сениор предавач на Катедрата за општа и компаративна книжевност и Соња Димовска, графичар, соопштуваат од Вип. Наградниот фонд за најкреативните решенија се состоече од 100 „Netbook“ компјутери заедно со едногодишен бесплатен широкопојасен мобилен интернет преку новата 3Г ХСПА+ мрежа на Вип. Заедно со компјутерите и уредите за мобилен интернет, сите добитници на награди добија и специјална брошура со информации и совети како да се заштитат личните податоци и приватноста при користењето на интернет.