Вип со позитивни резултати во првите девет месеци од годинава

Добивај вести на Viber

Во првите девет месеци од годинава ВИП ја зголеми корисничката база за 14,2 проценти во однос на овој период лани достигнувајќи бројка од 626 илјади корисници. Со ова, како што наведуваат од компанијата која ги објави финансиските резултати од работењето, ја зацврсти позицијата на втор мобилен оператор на македонскиот пазар зголемувајќи го пазарниот удел на 27,2 проценти. Поголемата корисничка база и зголемувањето на сообраќајот, како и приходите од интерконекција, како што истакна главниот финансиски директор на Вип Питер Цидек, доведоа до зголемување на приходите за 13,6 проценти кои достигнаа 44,7 милиони евра во првите девет месеци од годинава во споредба со тој период минатата година.

повеќе од девет пати се зголемени заработката пред камата, даноци, депресијација и амортизација и изнесува 9,3 милиони евра како резултат на повисоките приходи и фокусот врз контрола на трошоците.

Според Цидек, тие се јасен доказ дека Вип го задржува трендот на одржлив раст од квартал во квартал, нудејќи им повеќе на своите корисници и е потврда на нивната стратегија.

Со цел да го поддржат нивниот бизнис и да го подобрат квалитетот и да понудат иновативни решенија на своите корисници, Цидек истакнува дека инвестираат во нова мрежа. Во последните 12 месеци тој посочи дека се инвестирани 15 милиони евра во нова современа мрежа.

Главниот извршен директор на Вип оператор Никола Љушев посочи дека нивните инвестиции се во континуитет и оти се насочени кон подобрување на мрежата.

- И досега и во иднина намерата е да ја подобруваме, вели Љушев, додавајќи дека ќе бидат подготвени да ги испочитуваат правилата што ќе бидат пропишани од страна на Агенцијата за електронски комуникации.