ВИРУСОТ НЕ СТИВНУВА: Во Србија има скоро 1.300 заразени, граѓаните ќе примат и трета доза вакцина
Објавено во: Балкан, Корона Вирус 16 Август, 2021
Коронавирусот во Србија не стивнува, а денеска се регистрирани скоро 1.300 новозаболени.
Потврдени се 1.288 случаи од 11.761 тестирани, а има и седум починати. На респиратори се 26 пациенти, додека на болничко лекување има 868 луѓе. Од почетокот на епидемијата во Србија се тестирани 4.831.558 примероци, а позитивни биле 733.332. Во текот на епидемијата во Србија од последиците на Ковид-19 починаа 7.174 лица, а процентот на смртност е 0,98.
Во Србија од утре започнува вакцинација со трета доза против коронавирусот. Дарија Кисиќ Тепавчевиќ, министерка за труд, вработување и социјални работи во Владата на Србија, изјави дека трета доза ќе им биде препорачана на сите граѓани кои ја примиле втората доза пред повеќе од шест месеци.