Вирусот се шири како пожар во шума, вели Кисиќ Тепавчевиќ
Објавено во: Балкан, Корона Вирус 10 Октомври, 2020
Граѓаните на Србија не треба да ги теши тоа што моменталната ситуација е подобра во регионот бидејќи секој ден се зголемува бројот на случаи, вели докторката Дарија Кисиќ Тепавчевиќ.
Објаснува дека добро е што растот на бројот на позитивни не го зголемува бројот на хоспитализирани пациенти, ниту на респиратори.
Но, како времето станува постудено, ќе има зголемување на бројот на случаи.
„Видовме дека кога ќе му дозволиме, вирусот се шири како пожар во шума, тоа е карактеристиката на овој вирус. Многу земји воведоа мерка носење маски на отворено, но тоа треба да се прилагоди, зависи дали сте некаде со својата фамилија во природа или на некоја прометна улица со многу луѓе“, заклучи д-р Кисиќ Тепавчевиќ.
Таа вели дека со дисциплина вирусот нема да може да се шири лесно.
762 граѓани на Србија починаа од коронавирусот.