Висат во воздух преговорите Србија-Косово, европскиот врв смирува

Добивај вести на Viber

„Од интерес на сите е дијалогот да продолжи, особено поради тоа што за десет дена следува извештајот на Европската комисија за напредокот на Србија и Косово“, вели висок европскиот функционер за агенцијата Танјуг, кој сепак барал да остане анонимен. Тој уште додава дијалогот меѓу Белград и Приштина не е уверен дека е доведен во опасност, а острите тонови ги врзува со предизборната кампања во Косово. Маја Кочинајчич, портпаролка на високиот претставник на ЕУ за надворешна политика и безбедност Кетрин Ештон, потврди дека шефицата на европската дипломатија во Брисел ќе разговара со премиерите Србија и Косово, Ивица Дачиќ и Хашим Тачи, а состанокот бил закажав во понеделник. Овој состанок ќе биде можност за да се анализира напредокот постигнат во рамки на дијалогот под покровителство на Ештон, а особено во пресрет на ноемвриските избори на Косово, а според портпаролот, вниметелно се следи ситуацијата и се во контакт со двете страни. Претходно министерот за надворешни работи на Косово, Енвер Хоџај, изјави дека одлуката за забрана за доаѓање на Косово на српски претставници за време на предизборната кампања е конечна и тоа нема да се промени без оглед на, како што вели, притисокот што Србија го врши преку Брисел. Косовската влада го одби барањето на премиерот на Србија, Ивица Дачиќ, да ја отвори предизборната кампања во јужниот дел на Косово, по што беше најавен прекин на преговорите со Косово.