Владата ги продолжи роковите за легализација на дивоградби

Добивај вести на Viber

Се продолжува рокот за достава на елаборатите за легализација на дивоизградени објекти до 31 декември 2015 година, одлучила Владата на последната седница. Со одлуката, рокот за легализација на тераси пренаменети во станбен простор се продолжува до 30 јуни 2015 година, но ова важи само за оние доградби кои се изградени до 3 март 2011 година. Владиниот портпарол Александар Ѓорѓиев информираше дека измените на Законот за постапување со бесправно изградени  објекти се направени по направените анализи и консултации со граѓаните и геодетските фирми. Владата се одлучила на измените затоа што со стариот рок, ниту граѓаните ниту геодетските фирми не можеле во целост да ја завршат работата, информираше министерот за транспорт и врски Миле Јанакиевски. Освен ова, со измените се допрецизира и постапката за легализација на подземната инфраструктура. Податоцита на надлежните покажуваат дека досега се легализирани околу 90 илјади дивоизградени објекти од вкупно поднесените 350 илјади поднесени барања за легализација.