Владата го соопшти вториот ешалон: Екс-градоначалникот Марјан Ристески ќе биде заменик-министер за економија

Добивај вести на Viber

Поранешниот градоначалник на Прилеп, Марјан Ристески, е предложен од Владата како нов заменик-министер за економија. На истата седница беа официјализирани и другите предлози за заменици-министри.

Поранешниот новинар Зоран Димитровски, кој до минатата година беше заменик-министер за локална самоуправа, сега ќе биде заменик за надворешни работи и трговија 

Ане Лашкоска, која зад себе има неколку пратенички мандати, ќе биде заменичка на министерот за животна средина и просторно планирање. 

Мирослав Лабудовиќ, досегашен менаџер на инженеринг во странскиот инвеститор Теламон, ќе биде заменик-министер за енергетика.

За заменик-министер во Министерството за одбрана се предлага Елфет Исмаили, а  Астрит Исеини за заменик-министер во МВР.

Заменик на министерот во Министерството за социјална политика, демографија и млади се предлага Ѓоко Велковски кој беше министер во техничката влада. 

За заменик-министер во  Министерството за правда се предлага Ален Деребан, а Неждет Мустафа за заменик-министер во  Министерството за односи со заедници.

За заменик-министер во Министерството за европски прашања се предлага Викторија Трајков, а во  Министерството за финансии се предлага Николче Јанкуловски. 

Во Министерството за земјоделство заменик ќе биде Флакрон Беџети, додека Јовица Андовски, кој од 2011 до 2017 година бил заменик министер за здравство, повторно ќе ја преземе истата функција..За заменик на министер за образование и наука се предлага Лулзим Алиу. За заменик-министер во Министерството за локална самоуправа се предлага Ерџан Селими, додека за култура и туризам е предложен Седат Сулејмани.

За заменик-министер за дигитална трансформација е предложен Радослав Настасијевиќ Варџиски. За заменик на министерот кој ќе раководи со Министерството за јавна администрација се предлага Лазе Јаќимоски. Во  Министерството за транспорт заменичка-министер ќе биде Калтрина Зеколи Шаќири, а во Министерството за спорт се предлага Сафије Садики Шаини.