Владата исплати по еден денар за килограм грозје
Објавено во: Агробизнис 06 Септември, 2019
Министерството за земјоделство и платежната агенција соопштија дека се исплатени над 1 милион евра за дополнителната интервентна мерка за предадено грозје на лозарите, односно по 1 денар за килограм на сметките на лозарите.
Станува збор за точна сума од 66,2 милиони денари за 6.240 лозари како дополнителната субвенција за предадено грозје во регистрираните винарски визби. Пред почетокот на новата производствена сезона исплатени се 9 милиони евра на 15.208 лозари за основната субвенција за одржување на лозови насади.
„ Државата го исплати и долгот што винарските визби Повардарие, Стефани и другите регистрирани винарници во регистарот на МЗШВ, го имаа како долг кон лозарите за предадено грозје во 2014 и 2016 година. Се исплатија над 1 милион и 250 илјади евра на 2.048 лозари. Со тоа решивме еден долгогодишен проблем што ги мачеше лозарите од тиквешкиот регион”, изјави министерот Димковски.
Од таму велат дека парите биле исплатени во еден ден без селекција за сите кои исполнуваа услови за добивање на оваа финансиска поддршка.
Според податоците од Државниот инспекторат досега се откупени над 11 милиони килограми грозје . Откупната цена на вранецот е 12,58 денари за килограм , а на смедеревката 11 денари за килограм.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
