Владата ја донесе одлуката за дополнителна субвенција од 1 денар за сортите вранец и смедеревка
Објавено во: Агробизнис 29 Август, 2018
Владата на Република Македонија на
денешната седница ја донесе одлуката за воведување на нова дополнителна
субвенција од 1 денар за килограм предадено грозје за сортите смедеревка и
вранец. Корисници на оваа нова подмерка што се воведува во Програмата за
финансиска поддршка во земјоделството за 2018 година, се земјоделски стопанства кои имаат површини
под лозови насади и оствареното производство од сортите вранец и смедеревка од
реколта 2018, и истото го предаваат во регистрирани капацитети за производство
на вино во Република Македонија.Лозарите за оваа нова дополнителна субвенција
ќе можат да конкурираат до 25.12.2018 година. Во барањето за аплицирање треба да
приложат и доказ ( потврда) дека грозјето е предадено во домашни винарии.
Со воведувањето на оваа нова дополнителна субвенција ќе се придонесе за зголемување на рентабилноста на производството на овие две најзастапени сорти.
Дополнително, со годинешната Програма за финансиска поддршка во земјоделството, лозарите кои имаат од 1 до 10 хектари лозје, ќе добијат наместо 40.000 денари 48.000 денари по хектар за одржување на насади. Претворена во килограми, оваа субвенција изнесува половина денар по килограм, што значи дека вкупната финансиска поддршка заедно со дополнителната субвенција ќе изнесува 1,5 денари за килограм.
Министерството за земјоделство, шумарство и водостопанство неколку месеци пред почетокот на бербата на годинешното грозје одржа повеќе состаноци со двете страни, со цел да се слушнат сите предлози на лозарите и на винариите и да се обезбедат услови за непречен откуп по рентабилни цени. Исто така средба со лозарите во Кавадарци, со цел да се изнајде соодветно решение деновиве имаа и претседателот на Владата на Република Македонија, Зоран Заев и вицепремиерот за економски прашања Кочо Анѓушев. Според најавите од страна на откупувачите на винско грозје за претстојната реколта 2018 година се предвидува откуп од околу 38 милиони килограми од сортатата смедеревка и околу 42 милиони килограми за сортата вранец. МЗШВ континуирано ќе го следи откупот на грозјето, со цел да се гарантира непречен откуп.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
