Владиците Петар и Григориј биле гости во руската амбасада
Објавено во: Македонија 09 Јуни, 2023
Владиците Петар и Григориј биле гости во руската амбасада на Денот на Русија.
Амбасадата на Русија во земјава одржа државен прием по повод рускиот национален празник – Денот на Русија, на кој присуствувале и владиците на Македонската православна црква – Охридска архиепископија, преспанско-пелагониски Петар и кумановско-осоговски Григориј.
Во својот говор, рускиот амбасадор Сергеј Баздникин, меѓу другото, изјавил дека Русија е среќна за возобновувањето на евхаристичкото заедништво откако минатата година Руската православна црква прва по одлуката на Српската православна црква ја призна автокефалноста на МПЦ-ОА.
Откако лани Русија ја нападна Украина, руската амбасада во Скопје упати закана дека „евидентираат“ неистомисленици, етикетирани како „русофоби“.