Владимир Нелоски: Легитимитетот на Мицкоски е во парламентарните, а не во претседателските избори
Објавено во: Македонија 10 Февруари, 2019
Владимир Нелоски, членот на Извршниот комитет на ВМРО-ДПМНЕ, во гостувањето во студиото во вестите на 1ТВ истакна дека партискиот лидер Христијан Мицкоски нема да си поднесе оставка доколку кандидатот од нивните редови загуби на претседателските избори на пролет во „натпреварот“ за шеф на државата.
Ова истакнатиот партиски функционер го потенцираше откако вчера екс-градоначалникот на Аеродром и советник на Мицкоски за град Скопје, Ивица Коневски, во студиото на ТВ24 порача дека претседателот на ВМРО-ДПМНЕ треба да си замине од лидерската позиција доколку номинираниот претставник од партијата загуби на претседателските избори.
- Христијан Мицкоски како лидер на партијата го црпи легитимитетот на парламентарни избори. Само тогаш може да биде дискутабилна неговата функција. Неговиот легитимитет не може да зависи од претседателски избори, бидејќи тогаш никој не гласа директно за него - истакна Нелоски.