ВМРО- ДПМНЕ контра вонредната состојба на Пендаровски: Пратениците нема да гласаат
Објавено во: Македонија 30 Септември, 2020
ВМРО-ДПМНЕ нема да гласа за потврдување на 5 укази за прогласување на вонредна состојба на претседателот Стево Пендаровски кои се ставени на дневен ред на седницата закажана за претпладнево во Собранието. Указите треба да бидат потврдени со двотретинско мнозинство.
Одлуката ја соопшти денеска пратеникот Антонио Милошоски во име на ВМРО-ДПМНЕ кој рече дека тоа се прави поради лоши резултати во битката со Ковид19, поради влошени економски состојби кои беа причина за воведување вонредна состојба и трето, злоупотреби на вонредната состојба за правење поткуп и носење на закони кои не смеело да се носат како тие за марихуана, будење дијаманти.
Одговор за тоа што ќе се случи сега во врска со можната уставна криза Милошоски сугерира да се бара од владата, Пендаровски и Уставниот суд.
Денеска на собраниската седница треба да се гласа и за потпретседателите на Собранието, а според информациите тоа ќе биде поминато, а указите на Пендаровски нема да се ставаат на гласање денеска.