ВМРО до СДСМ: Прво Буџет за 2017-та, па потоа распуштање на Собрание

Добивај вести на Viber

Владејаката партија на ВМРО-ДПМНЕ го поздрави поднесувањето на барањето за распуштање на Собранието од страна на СДСМ и Демократскиот сојуз, но во исто постави и услов прво да се изгласа буџетот за 2017-та година, па потоа да се гласа за распуштање на Собранието.

- ВМРО ДПМНЕ ја поздравува одлуката на СДСМ да го прифати нашиот повик, да престане да бега од соочување со народот и да поднесе барање за распуштање на Собранието. Барањето на СДСМ го прифаќаме и очекуваме дека овој пат Зоран Заев нема да се обидува да измислува причини за повторно да избега од избори, се вели во соопштението на власта.

- ВМРО-ДПМНЕ предлага Собранието на Република Македонија уште денеска, во 17 часот, да закаже седница на која што прва точка ќе биде донесување на Буџетот за 2017 година, со што ќе се гарантира редовна исплата на плати, пензии, социјална помош и подмирување на другите потреби на граѓаните. Втора точка, која во целост ќе ја поддржи, предлага да биде донесување на одлуката за распуштање на Собранието и за неа да се расправа во 19 часот, се вели во соопштението на ВМРО-ДПМНЕ.

Од ДПМНЕ додаваат дека доколку СДСМ е убеден дека ќе ја добие поддршката на наредните избори, не е спорно на првата седница по конституирањето на новиот собраниски состав да предложи и изгласа ребаланс на Буџетот.

- Неносењето на буџетот ќе значи и потенцијален ризик и опасност од внесување на земјава и во финансиска криза, покрај политичката криза со која што се бориме и се обидуваме да ја надминеме, тврдат од ВМРО-ДПМНЕ.