ВМРО-ДПМНЕ го поднесе предлог-законот за амнестија. Кој се е опфатен со истиот?

Добивај вести на Viber

Координарот на пратеничката група на ВМРО-ДПМНЕ, Драган Данев, рече дека партијата го поднесе предлог-законот за амнестија на обвинетите за тероризам од 27 април.

„Игор Дурловски, Владо Јовановски, Богдан Илиевски и Борис Дамовски не се терористи.  Не се терористи ниту вработените во Министерството за внатрешни работи, ниту останатите лица прогонувани врз основа на случувањата од 27-ми април. Тоа го знаеме ние, тоа го знаете и вие колеги од власта, а тоа го знае и целата македонска јавност. Затоа почитувани од СДСМ, бидете искрени и застанете еднаш зад она што го говорите, а кое е подадена рака и од нас за помирување“, рече Данев.

Тој додаде дека со законот се предвидува начинот за прекинување на кривично гонење, а се предвидува и бришење на осудата на лицата кои се осудени.

„Предлог-законот е вистинско национално помирување. Спроведувањето на истиот не предивудва оштетување на буџетот“, рече Данев.

Со законот за амнестија, опфатени си се сите лица, вклучувајки ги и пратениците, а предлог-законот е поднесен по скратена постапка.

ВМРО-ДПМНЕ нема став дали ќе учествува во групата за национално помирување.

„Ова е во контекст на она што премиерот го најави. Во однос на сложеноста на ситуацијата, сите ќе бидеме над и ќе работиме за граѓаните“, рече Данев