„ВМРО ДПМНЕ го потсетува Кочо Анѓушев дека е вицепремиер за економски прашања, а не директор на Театар Комедија“

Добивај вести на Viber

ВМРО ДПМНЕ се огласи со писмено соопштени за изјавите на Анѓушев.

„ВМРО ДПМНЕ го потсетува Кочо Анѓушев дека е вицепремиер за еконосмки прашања, а не директор на Театар Комедија.

Тоа што Кочо Анѓушев се обидува со вицови да ја засмее јавноста не им помага на граѓаните да живеат подобро. Во Македонија се живее сѐ полошо, стандардот тоне, а дрќавата го допре дното на ранг листите за корупција

Прво ветуваа дека Република Македонија ќе има економски раст од 5%, за сега да се изјаснат дека тоа е практично невозможно. 

ВМРО-ДПМНЕ го советува Анѓушев прво да се договори со самиот себе па потоа да дава изјави во јавноста што е остварливо а што не е. 

Додека Анѓушев раскажува приказни за мали деца по форуми и конференции, Република Македонија тоне во корупција. 

Откако е дојден СДСМ на власт Република Македонија падна на 107 место и убедливо се наоѓаме на последното место во Европа.

 Дополнително растот на БДП е од 0 % што нѐ прави едниствена држава во Европа со ваков раст. 

Економијата стагнира, нема нови инвестиции,а планот на Владата за економски раст никако да профункционира. 

Наместо вицепремиерот да дава вакви смешни изјави, го советуваме да се зафати со работа и да зборува за реални и остварливи проекти и да престане да ја засмејува јавноста.

 На македонското стопанство му се случува економско цунами предводено од Заев, Тевдовски и  Анѓушев со кој граѓаните осиромашуваат сѐ повеќе.

 Потребни се промени кои ќе донесат подобар животен стандар и поголеми плати. Ако не знаат како треба тоа да го постигнат, а јавноста гледа дека не знаат како тоа да го направат, тогаш најпаметно ќе биде да си заминат и на нивно место да дојдат поспособни луѓе кои знаат како да ги исполнат сите овие работи“, се вели во реакцијата на ВМРО-ДПМНЕ.