КОЈ ЈА КАЖУВА ВИСТИНАТА: ВМРО ДПМНЕ и ДУИ се кошкаат околу СЈО и двојазичноста
Објавено во: Македонија 16 Февруари, 2017
Двајцата донеодамнешни партнери во Владата ВМРО ДПМНЕ и ДУИ на виделина ги вадат несогласувањата и се обидуваат да ја збунат јавноста.
И двете партии се со различни тврдења во однос на неуспешните преговори за формирање на Влада.
Партиите на Груевски и Ахмети се кошкаат околу кaмењата на кои се сопнале во преговарачкиот процес а тоа се СЈО и Законот за албански јазик.
Имено, од ВМРО ДПМНЕ негираат дека СЈО било причината за пропаднатата коалиција со ДУИ и тврдат дека неприфатлива точка за нив било барањето за двојазичност на целата територија.
Токму овој став го изнесе и синоќа пратеникот Антонио Милошоски во емисијата „10 минути” на ТВ21 каде што рече дека преговорите пропаднале поради јазичното прашање , а не како што велат од ДУИ поради продолжувањето на мандатот на СЈО.
„Во преговорите 10 отсто беа посветени за мандатот на СЈО, 80 отсто за албанскиот јазик и 10 отсто за други теми…Преговорите главно пропаднаа поради јазичното прашање. Во однос на СЈО, двете партии се договорија дека не можат да се договорат, а ниту ДУИ не инсистираше толку колку што го прикажува тоа во јавност“, потенцира Милошоски кој покрај ова негираше дека ВМРО ДПМНЕ и дале на ДУИ писмени гаранции за нешто.
Наспроти овие тврдења, Рафиз Алити од ДУИ вчера за Телма рече дека ДУИ добиле писмен документ и од ВМРО ДПМНЕ .
Според Алити писмениот документ бил прочитан на Централното претседателство и тој вели дека ВМРО ДПМНЕ се согласиле и ги прифатиле сите барања на ДУИ освен продолжувањето на мандатот на СЈО што било и главна причина за непостигнување на договор.
Од ВМРО ДПМНЕ неколку пати соопштуваа дека двојазичноста била проблем за нив.
Можеби ќе ве интересира
СВЕДОК ВО СЛУЧАЈОТ ЗА УБИСТВОТО НА ВАЊА И ПАНЧЕ: Се пријавил во полиција за пожарот подметнат во кафуле
НЕСПОРЕН Е ФАКТОТ ДЕКА ИМАМЕ ПРЕТСЕДАТЕЛ КОЈ ЗАГИНА ВО АВИОНСКА НЕСРЕЌА: Митева за потребите да се купи нов авион, ги спомена ризиците
Малолетничка тешко повредена во сообраќајна незгода во Скопје
„НА 42 ГОДИНИ, АПАСИЕВ ДИПЛОМИРАН, МАГИСТРИРАН, ДОКТОРИРАН, СТИГНАЛ ДА КУПИ КОЛА ОД 15-20 ИЛЈАДИ ЕВРА, ЗЛОБЕН НАРОД, НЕ ВОЗИ ФЕРАРИ“: Мухамеди на страната на лидерот на Левица
ВАРИЧЕЛА ИЛИ ОВЧИТЕ СИПАНИЦИ, ШУГА И ЕНТЕРОКОЛИТИТЕ ДОМИНИРААТ ВО ДЕКЕМВРИ: Загрижувачки тренд на пораст на заразните болести во Македонија
ЗАПРЕ ПОСТАПКАТА ПРОТИВ ВЕЛЈАНОВСКИ, ЈАНАКИЕСКИ, РИСТОВСКИ И АТАНАСОВСКИ - Кривичен суд го уважи барањето за амнестија
ПАТУВАЊЕТО НА МИЦКОСКИ ЗА ВАШИНГТОН Е ПОЛН ПОГОДОК ОД СЕКОЈ ПОГЛЕД: „Видете ги реакциите од Бугарија кои позелена од фрустрации“ - став на новинарот Ризвановиќ
„ВТОРА ШАНСА ЗА АЛЕКСАНДАР!“: потребна му е поддршка за лекување во Турција
„АПАСИЕВ ДО ОВОЈ МОМЕНТ НЕ СЕ ОГЛАСИ ЗА НОВИОТ АВТОМОБИЛ“ - адвокатот Јанаки Митровски и денеска се занимава со лидерот на Левица
